XB’ICH TENAMIT WATEMAAL
Watemaal sa aach’ool
ut laaloq’laj na’aj
maajoq’e tixmux laj
rahob’tesinel
maajun taxaq
chapb’ilaq re rahob’tesiik
chi moko eb’ li josq’
ta te’ xchuub’a.
Wi’ joq’e laachab’il
oxloq’il ch’och’
Taaraj xmaq’b’al
jalanil tenamit
wan sa’ iq’
laachaq’al ru q’uq’il t’ikr
chi kolok maraj chi
kamk tooxb’oq
Xkawilal xyaab’
Wan sa’ iq’
laachaq’al ru q’uq’il t’ikr
chi kolok maraj chi
kamk tooxb’oq
chi xjunil laawalal
kaw kaw xch’ooleb’
junxil tkamq ut ink’a’ chapb’ilaq.
Chi ru laanajter
kawil k’amal ch’iich’
xab’anu chaq chi ru laakawil uq’b’
li chab’il ch’iich’
nak’anjelank li ch’och’
ut li ch’iich’ nakolok li xloq’al.
Li qanajter xe’toon
k’eyalok chaq
chi anchaleb’ xch’ool
chi xtawb’al aakolb’al
ut kextaw chi maak’a’
junaq raxiik’
re xk’eb’al jun
aana’aj re aarab’al.
Xkawilal xyaab’
Ut kextaw chi maak’a’
junaq raxiik’
re xk’eb’al jun
aana’aj re aarab’al
ut ke’oken chi xjunil chi anchaleb’ xch’ool
ke’ xb’aanu li xk’anjel re aarab’al.
Chanchanat wi’ jun retel chi
choxa
b’ar wi’ letzlo li xsaqal jun li choql
raxiik’ chalk re sa’ xb’een li ani
xmaak xjosq’il
li xb’onoleb’ taaraj xtz’ajninkil.
Xb’anaq laawalal kaweb’ xch’ool xmetzew
li tuqtukilal nake’ roxloq’i
majoq’e te’relelin li yalok
wi’ nake’ xkol xch’och’ ut xjunkab’lal
Xkawilal xyaab’
Majoq’e te’relelin li yalok
wi’ nake’ xkol xch’och’ ut xjunkab’lal
ka’aj wi’ a’an li q’axal loq’ sa’ xch’ooleb’
jo’ wi’ li xloq’al xna’aj xch’och’eleb’
An o sa’ li xna’aj
k’ajo’ xnimal
sa’ xyiheb’ li
xyaab’al wiib’ chi palaw
rub’el li xxik’
nalemtz’un jo’ q’anch’iich’
hilokat sa’ xmu
ch’ina’usil q’uq’.
K’iche’ xul wan sa’
laab’onb’il eetalil
li q’anil ch’iich’ nakolok re laach’och’
usan wi’ najt xteram
narupupik
qaxal najt wi’ chik
chi ru li t’iw.
Xkawilal xyaab’
Usan wi’ najt xteram
narupupik
qaxal najt wi’ chik
chi ru li t’iw.
ut sa’eb’ li xxik’
tixtaqsi sa’ choxa
Watemaal aak’ab’a’
junelik.
Xtz’iib’ahom: José
Joaquín Palma
